بسم الله الرحمن الرحيم
حبيبتى وغاليتى واختى فى الله
॥ممكن كلمه احنا بيجمعنا حاجات كتيره اوى اهمها اننا مسلمين॥
الله الواحد الأحد ربى وربك...ورسولى ورسولك سيدنا محمد(عليه افضل الصلاة وازكى التسليم)
॥ وأمى وأمك السيدة عائشه والسيدة خديجه والسيدة فاطمة...وعلشان كدة لازم تكون قوبنا على بعض حتى لومنعرفش بعض॥
أنا بحبك فى الله وأكيد انتى كمان كده وعلشان الحب فى الله ده جايه أقولك ان أنا جايبه ليكي عريس؟॥
عارفه مين..رسول الله.. بتتمنى عريس فى أخلاق النبى ونفسك ربنا يحبك ورسوله الكريم يشفع لنا؟؟
طيب ممكن سؤال؟؟؟؟
أنا وانتى وغيرنا من البنات رايحيين على فين يابنات الإسلام....؟
ياترى اللى بقينى بنشوفه فى شوارعنا من تبرج يرضى ربنا ويرضى الرسول؟
ياترى لوأخذتك من ايديكى وقلتلك الرسول عايز يقابلنا ياترى هنجرى نروح ولا هنقف نفكر.... هنقابله وإحنا لابسين ايه؟؟
ممكن النبى يشوفنا واحنا كده؟؟؟
عايزين وقفة بجد مع نفسنا...."" ده حجاب الإسلام "" ياترى ده اللى أمرنا بيه المولى عز وجل...ياترى ده الزى الاسلامى اللى بيه ممكن ادى فكره طيبه عن دينى وعن اسلامى॥ ياترى ده الزى اللى أقدر بيه أروح أدافع عن الإسلام ضد اللى بيسىء للإسلام॥
الإسلام اللى قدر المرأه وعزها وخاف عليها أكتر ما بتخاف على نفسها إنتى بجد مقتنعه بحجابك وراضيه عن نفسك وانتى لابساه ؟
وبلاش تجاوبى وتقولى هو انا يعنى عامله ايه ॥دى حياتى ودى حريتى اه بحب ربنا بس برضه يعنى دول يومين وبعيشهم وهيعدوا وبكره اكبر وربنا يهدينى.. مستعجلين على خنقتى ليه..
والاخطر لو بصيتى لغيرك...أنا من قبل منك قلت كده بس صدقينى ندمت على كل يوم مشيت فيه فرحانه بجسمى ولبسى فوالله و والله والله
مافيه يوم بنعيشه فى سعادة زائفه وفى بعد عن ربنا الا وبنعيش مليون يوم قصاده فى هم وغم لحد ماربنا ينعم علينا ونتوب ويرضى عنا
॥ولازم علشان كده نبتدى نغير من نفسنا ونقرب احنا من ربنا وعلشان قلبى عليكى حسيت ان واجبى انى أدلك॥استحملينى معلشي عيشى بس عيشى فى طاعه॥عيشى راضيه ربنا॥ربنا اللى خلقك وصنعك وصنع الجسم الجميل اللى أوقات نفوسنا بتغرنا ونتباهى بيه॥والمصيبه ان الواحد المفروض لما يجى يتباهى ويتمنظر يتباهى بحاجه هو عملها ..هو له دخل فيها ...بس احنا ولله الحمد مجرد عباد...مخلوقين..مأمورين بطاعة الله والعيش على مرضاة الله ..
وحاشي لله اننا نكون واخدين الحكايه استهزاء وسخريه وتكبير دماغ। بس المصيبه ان ده اللى حاصل دلوقتى॥الله خالق الكون من حولك وخلقك॥وانا وانتى بنمشى فى الشارع متبرجين...الشارع بيسبح ربنا وانا وانتى ماشيين نتباهى॥الرصيف بيسبح ربنا وانا وانتى بنقول لكل شاب رايح وجاى انا أهو॥مش بتتفرج عليا ليه؟
بلاش ننسى ربنا وحقه علينا علشان ربنا ما يغضبش علينا وبدل مايتزل رحمته لينا...ينزل سخطه॥يارب نسألك رضاك يارب صدقينى مش هتندمى لو رضيتى ربنا...جسمك ده اغلى حاجه ربنا انعم عليكى بيها॥غيرك ممكن تكون بتتمنى تمشى او انها تكون فى صحتك...
تخيلى انتى لو عندك حاجه تخصك وتهمك مش هتبقى عايزه حد يلبسها او حتى يستعملها ولو اقرب الناس ليكى...انما ده جسمك ده انتى॥طيب ليه مش بتخافى على نفسك؟
مش مستخسره نفسك فى عيون الشباب ليه؟
للدرجه ديه هاين عليكى تحددى جسمك بالبنطلون بالشكل دة॥وتلبسى عليه بادى اد كف الإيد॥ياربى وتمشى مغطيه ومش مغطيه॥انتى تعرفى ان البنطلون ده جند من جنود الله يجى يوم القيامه يقول يارب انا مليش ذنب॥هى اللى كانت بستخدمنى فى التبرج يارب॥يارب انت سخرتنى ليها وهى أسات ليك يارب ...فكرى كده كام شاب انتى شايله ذنبه وانتى ماشيه॥مش برضه ده اخوكى فى الله...مش خايفه عليه॥طيب بلاش دى...انا عايزاكى مره تاخدى بالك من عيون اى شاب على اى بنت لابسه ضيق عامله ازاى ورايحه على فين واول مايخلص نظرته للبنت دى ينقل بصره على اللى جمبها॥
ومتقوليش هو المفروض اللى يغض بصره..مش عايزين نضحك على بعض..البنت النهارده بتنزل متبرجه ( اللى احنا بنسميه شياكه) ولو رجعت ومحدش خد باله منها او عاكسها ترجع وهى عندها اكتئاب..نرجع للشاب اللى كل يوم شايف بنات الإسلام فى حال تفتكرى ده ممكن يدخل بيتك يتقدملك؟
صدقينى واقسم ليكى بالله شاب كان عايز بنت يخطبها وفى لحظه هزار اخته قالتله انزل نقى من النبوى اهو مليان بنات عارفه الرد كان ايه؟
قال لها دول ( للفرجه وبس )يــاه للفرجه؟
انتى وانا بقينا للفرجه؟
وفرجه ببلاش دا اللى بيدخل فيلم علشان يتفرج عليه بيدفع تذكره...احنا بقى يابنات الاسلام الفرجه علينا بكام؟ للدرجه دى انتى مش غاليه عند نفسك॥صدقينى الولد زهد كل اللى بيشوفهم॥اصل البنات موجودين موجودين॥ماشين رايحين جايين॥ شكل واحد ولبس واحد وكلهم شبه بعضهم ومكياج واحد وتبرج واحد॥ الشاب حفظ الوجوه تخيلى كده لو الشارع بقى كله بنات ملتزمه بالحشمه والزى الاسلامى ومفيش بنات بيستعرضوا...
مش اكيد الوضع هيتغيرمش برضه حرام لما تبقى اللى مش من نفس دينك ماشيه مش مغطيه شعرها بس لابسه محتشم عنك حافظى على نفسك، على اختك اللى اصغر منك، على اخوكى فى الله ॥انتى مش حمل ذنوب غيرك॥
وماينفعش نعيش على هوانا॥كل يوم بيعدى مش بيرجع وكل لحظه مرت فى اليوم ده محسوب علينا فيها اعمالنا وانفاسنا واقوالنا ارجعى لربنا وتوبى وعاهدى ربنا وقولى يارب هطيعك وهلتزم وهتقى ربنا فى لبسى وفى شكلى وهحبك يارب واحب نفسى وأغير على نفسى وأغير على دينى وايمانى وحيائى .....ادعى لنفسك ولسائر بنات المسلمين بالهدايه وانصرى نبيك واسلامك॥ ربنا من فوق سابع سموات عايز يشوفنا مسلمين بجدانا عارفه انها صعبه بس صدقينى ده فى الاول بس॥عارفة لوبدأتى ربنا إن شاء الله هياخد بإيديكىوإوعى تيأسى॥إعزمى نيتك وتوكلى॥
ونصيحه( خليكى دايما مستعدة للقاء الله॥ اتقى الله فى معاملاتك..فى مظهرك..فى نيتك..فى تصرفاتك..فى بر والديكى.. فى صحبتك)وافتكرى دايما الجملة دى( من ترك شيئا من أجل الله عوضه الله خيرا منه ) خليكى انتى واصحابك قلوبكم على بعض فى الخير طبعا
॥ وبعيد عن طريق الموضه والشباب ونصيحه على جنب الشاب اللى يبقى عايز يخطبك يتمنظر بيكى او يتباهى بيكى ده مابيحبكيش ده بيكمل بيكى الصورةاللى يحب بجد يخاف على اللى منه،يغير على اللى بيحبه،يبقى عايز علاقته بيه فى النور وتحت سقف رضا ربنااللى يحبك هو اللى يخاف عليكى ويصونك॥
وطبقى ده برضه حتى على اصحابك॥اللى تحب ليكى الخير هى دى اللى ربنا هيجمعك بيها تحت ظله ان شاء الله معلش طولت عليكى بس والله من خوفى عليكىوأمنية...بجد نفسى اشوفك صاينة نفسك اكتر من كده...ربنا يكرمك ويسعدك ويهديكى ويرزقك وأختى وبنات المسلمين بالزوج الصالح اختكم في الله { م }
جزاكي الله اختنا مروه وجعله الله في ميزان حسناتكم ولا تعليق نهائيا علي رسالتك لاخواتك والله تاثرت كثيرا عند قراءه هذه الرسالة واقول للشباب اتقوا الله في اخواتكم وبناتكم 
أخوكم ابو سهيله
ليست هناك تعليقات:
إرسال تعليق
جزاك الله خير الجزاء ونشكرك علي التعليق
ابو سهيلة